ivanliresearch
patreon
［2024買乜股］醜股大翻身，睇下行業，明顯見到往往一年唔掂嘅，下年就掂
🕑 Added 2024-01-14 22:19:22 +0000 UTC講到尾，就係睇啲舊年冇升嘅嘢
上幾次做過，大市就物極必反。咁行業呢？個股呢？
睇下美股嘅行業表現，順手介紹埋啲行業ETF
美股嘅analytics 支援，就多過港股好多了，一直都係
2022年死晒嘅行業，2023年咪大反彈。掉轉亦係
2022年好掂嘅公用股同能源股，2023就唔掂
甚至自己做個scatter plot， 見到條線擺明downward sloping
當然，唔係年年都係咁，唔係所有行業都會咁，冇包生仔。
在你配置上，或者二選一嗰時，就會有用
理論上個股都係咁，但有啲股票長升長有，你走去沽空就死得
所以「醜股大翻身」，我睇啲大公司，穩定啲嘅公司
最終極嘅玩法，就係好似「狗股理論」咁 — 但而家美股唔多派息
就係揀啲最唔掂嘅股票出嚟，搏反彈。不過仲有啲蹺妙嘅。做back test先
講到尾，就係睇啲舊年冇升嘅嘢
1. 好，真係講個股。2024年買乜。但其實一早預告咗。市場嘅，可能係美股以外嘅嘢。行業嘅，就係美國科技股以外嘅嘢。講到尾都係睇啲舊年冇乜升嘅嘢。
2. 又有人鬧長氣，但再講一次，記得分散。唔係叫你沽晒啲美國科技股佢。亦好睇你本身有乜，完全冇美國科技股嘅當然可以繼續買 — 因為講到尾，我可以錯，咁你所有嘢旨意晒我一個猜測？第二，情況會變，過兩個月，可能成個世界唔同咗（但你見我普遍唔會好短期改變睇法，因為幾時都係睇長期）
3. 我自己都唔會沽任何科技股，但可能新錢買多啲其他嘢。
上幾次做過，大市就物極必反。咁行業呢？個股呢？
5. 講到尾，呢一大堆嘢，都係基於嗰個「物極必反」理論。係咪真嘅，至少在大市嚟講，對上幾篇我地做過港股美股，呢個現象都有一定可信性，但肯定冇得包生仔。邊位可以肯定估中嘅，話我知，我跟你搵食（當然輸咗你賠畀我）
6. 大市睇咗，咁我地睇下，到底去到行業同個股，係咪有咁嘅一回事
7. 我地睇完行業先，因為簡單啲，當熱身。港股就算吧啦，同埋反正港股啲「行業」定義都唔係太好。我地睇美股：順手你會睇到人地嘅「行業」分得幾仔細
睇下美股嘅行業表現，順手介紹埋啲行業ETF
8. 呢個圖你好應該剪存，時間關係我直頭幫你整埋個Excel，第時你可以自己玩。講咗話希望今年整多啲數字嘅嘢，之後都會，你都可以keep住。遲下可能將呢個嘢加埋落之前個Monitor Excel度（呢度都畀多次你，記住得閒上嚟睇）
9. 首先要講嘅係嗰堆字母，全部都係可以買嘅ETF！即係話，原則上你「睇好」邊個行業，就買嗰隻ETF。照計都唔使次次問我，買呢啲ETF冇乜死錯人
10. 可能搵日逐隻睇，但照計你上網Google一查已經睇到渣啲乜，開支幾多等等，應該好平嘅。
美股嘅analytics 支援，就多過港股好多了，一直都係
11. 即使我唔買都好，我亦可以用呢啲嘢去量度每個行業嘅表現。冇錯，港股都有啲行業分類指數，但首先好似嗰啲指數冇ETF，另外啲分法好似都麻麻地。最後，啲發行商各自出嗰啲行業ETF，又係麻麻地（不外乎係收費貴，同埋啲揀股準則唔係好啱心水）
12. 但你見美股呢啲嘢真係做得好好，固然係雞同蛋嘅問題，有錢就有人做得好，做得好就有錢流入。但除咗呢啲「行業」嘢，例如之前都成日同大家講增長就IWF，價值就IWD。既可以買落去，又可以用嚟做分析。美股嘅呢啲analytics 支援，就做得好好嘅。即使係港股好旺嘅年代，都係咁情況
13. 講遠咗。呢個圖，想講乜？照計我唔講你都睇到。
14. 咪就係「醜股大翻身」！
2022年死晒嘅行業，2023年咪大反彈。掉轉亦係
15. 2023同2022，明顯到極，肉眼都睇到。2022年死晒嘅行業，科技股同非必需消費品（呢啲行業定義自己查吧，再唔係睇隻ETF渣乜你咪知），2023年全部大翻生。相反2022年最得嘅行業，能源同公用股，2023年當然死晒。
2022年好掂嘅公用股同能源股，2023就唔掂
16. 你睇，真係明顯到不得了。當然其中一個原因，同聯儲局加息減息有關（正式嚟講，係「市場期望加息」同「期望減息」，記住股票永遠炒預期）
甚至自己做個scatter plot， 見到條線擺明downward sloping
17. 學以致用，你仲可以自己玩，拎啲行業表現，好似我上幾篇文咁，整個scattered plot．我呢度整一個2023同2022嘅畀你，都費事花時間整啲data label．但真係見到個「負相關」極之明顯。亦可以話個「板塊輪動」（sector rotation）相當明顯。用人話講，就係風水輪流轉，醜股大翻身。
18. 時間關係，其他你可以自己做。但見到2021同2020比，都有呢個情況。
當然，唔係年年都係咁，唔係所有行業都會咁，冇包生仔。
19. 但去到2022同2021比，你畫個圖就唔係咁明顯「負相關」的。當然你見到，2021年幾好嘅科技股同地產股，2022年就唔掂（加息嘛）。但2021年包尾嘅非必需消費品，2022年都係包尾。2021年最勁嘅能源股，2022年一樣第一
20. 點解會咁？唔知。都話，包生仔咩。但的確見到整體有一定嘅負相關，特別係啲嘢升或跌好多嗰時。估值迴歸平均嘛。
21. 固然呢啲關係唔會係「每次都係咁」，不過都有參考價值，特別就係你配置上面，同埋例如你本身有啲嘢想買嗰時。
在你配置上，或者二選一嗰時，就會有用
22. 具體例子，例如你睇完2023年嘅情況，咁去到而家呢個位，我就真係少啲買科技股，多啲買必需消費品股醫藥股。又甚至去到呢個位，你問我Amazon同輝瑞（Pfizer）二選一，我就當然揀輝瑞（雖然我到而家都唔明點解啲讀者要二選一，明明美股可以一股股咁買，唔好話我知你兩隻每樣買一股都冇錢，夾埋千幾蚊港紙咋！）
23. 你得閒嘅，甚至可以睇晒呢堆嘢嘅2024 年初至今回報，或者等我遲下寫。
24. 咁但要再強調，呢啲「負相關」，往住都只係一年同下年相比見到。咁你見科技股，真係勁足十幾年，就只係偶然回一年。你年年去沽空，一早輸死。
理論上個股都係咁，但有啲股票長升長有，你走去沽空就死得
25. 呢度就可以帶到去「個股」嘅問題。理論上，我地都可以搵隻個股出嚟，睇下佢每年嘅升跌，然後咪好似之前玩大市，玩行業咁睇，睇下係咪每年回報係咪負相關
26. 但實際上，我就唔會咁做。原因有好多個，首先係咁多個股，搵邊隻？另外一個深層次啲嘅問題：有啲個股，係結構性增長，年年都升，你會見到每年嘅表現唔係負相關。例子實在太多，你睇成堆科技股都係咁上下，可能過去十幾年得一年跌，因為佢地嘅盈利增長實在太強 — 記住啦，最後都係返返去盈利，只不過又係嗰個老方程式：市值＝盈利Ｘ估值，而短期（一年內）你見都係估值軀動多過盈利（套用落成個美股亦係咁情況，所以長升長有，因為盈利都長升）
27. 相反嚟講，有啲公司係真係被淘汰咗，大家講嘅柯達，仲有to a lesser extent 諾基亞，IBM之類。
所以「醜股大翻身」，我睇啲大公司，穩定啲嘅公司
28. 所以呢個「醜股大翻身」最好就睇啲比較大嘅公司，甚至係盈利相對地比較穩定嘅公司。可能只係未炒到，有機會第時有估值提升。又可能真係盈利受壓，但只係周期性問題 — 不過點分呢啲嘢，就唔係話咁易。Case by case再講，但甚至係永遠都唔知的。
最終極嘅玩法，就係好似「狗股理論」咁 — 但而家美股唔多派息
29. 呢個系列終極嘅「醜股大翻身」玩法，其實就係類似所謂嘅「狗股理論」。問題係傳統嘅狗股理論睇股息率，但大家都知美股而家好多都唔多派息。除咗同科技股興起有關外，亦因為股息要收稅，好多公司做回購。所以成套嘢扭曲晒。
30. 咁我認為不如簡單啲，「搵啲最落後嘅公司出嚟，希望下年反彈」。就只係咁。
就係揀啲最唔掂嘅股票出嚟，搏反彈。不過仲有啲蹺妙嘅。做back test先
31. 咁去到呢度你心諗，我搵晒2023年標普指數最差嘅幾隻出嚟咪得？原則上好似係咁。咁但三樣嘢。首先，睇下揀幾多隻，可以話定你知一定不能只揀一隻，可以死得好慘。另外，亦都要做些少篩選，個人傾向睇啲比較大嘅公司，一般冇咁易爆煲 — 但銀行除外。
32. 最後係乜？最後係，先做少少back test．固然過去唔代表將來，但至少睇下呢套「揀啲最差嘅股出嚟，搏下年反彈」，之前幾年係咪得先？之前幾年都唔得嘅，就更加難說服你啦
33. 下篇就做埋back test，兼且應該真係會有啲名單
Comments
Matthew To
如果一個sector抽五隻ETF攞十年做scatter plot 又得唔得...... 例如Finance, Commodity, Value (咁你揀邊個sector就你話事啦) .... 當然多啲闊啲耐啲長啲緊係好咯
維持一定比重
根據「AKQJ10」，鋪鋪買 tech 至o岩🤣
