ivanliresearch
patreon
［唔止美股，MSCI 環球，都係長升嘅］聖誕禮物：飛鏢靶一個，歡迎印出嚟掟 — 量度表現，當然係睇求其拎兩個點，然後平均。唔係你捉住兩個點，然後話我知「港股都有錢贏」。所以要長線，要分散。
🕑 Added 2023-12-26 16:18:46 +0000 UTC「量度」一樣嘢，係應該隨機拎兩個點度，計平均。唔係你自己揀兩個點
你見有人買美股都輸錢的，咁係誰的問題？係美股嘅問題？
我做咁多年人，好少嘢後悔 — 最後悔係冇早啲投資。你都切記
人人都同意「投資要襯早」 — 咁咪即係同意咗時間係朋友囉！
睇呢個圖，話你知，股票係升嘅。唔係美股，係全球
會唔會輸錢？當然會，70年代咪大輸。不過之後再破頂咁解
股市，就係破頂再破頂。你唔信嘅，你話長坐會輸錢，我唔知點說服你
睇近幾十年嘅MSCI World，順便睇埋total return 同 price return嘅分別
股息再投資，就係要時間先見到威力
MSCI World咪又係美股！咁美股市值最大嘛，唔通計巴基斯坦？
不過，MSCI World冇計新興市場。不如計埋，又睇下點？
見到有一期係ACWI跑贏，但近十幾年就當然美股跑贏。之後？唔知
美股新高，泛歐新高，日本股市三十幾年高，台灣印度—而你要講港股
1. 天氣凍，作病。但無論如何完咗呢個系列先，呢篇最後。（我都唔知呢個系列叫乜，姑姐叫做「反駁質疑長線，反駁「港股呢？」」）
「量度」一樣嘢，係應該隨機拎兩個點度，計平均。唔係你自己揀兩個點
2. 想講啲基本嘢：普遍性同特例。平時Facebook Page 成日講，我用啲例子你會明你會笑。但到講股票，就好多人搞亂了
3. 我話美股長升，有人反對，會講迷失十年，會講高位買。咁但，點解只舉呢個例？正如你話買港股輸錢 — 咁唔通我同你講，唔係呀，舊年10月咪贏錢。你都狂鬧我啦。點解呀？因為只係搵兩個特定點嚟講
4. 想講嘅係，至少睇歷史，至少睇美股或MSCI全球，求其掟兩個點，係贏錢多。股票都係長升。咁都仲要拗？你去「量度」一樣嘢，係要咁度 —好重要！
5. 咁你堅持要搵最差嘅兩個data point，去「證明」可以輸錢。我就唔知你係玩我嘢，定係同自己玩嘢。事實係好多人買美股都輸錢的，咁當然係自己問題。咁好嘅市場都搞成咁。唔使我又重覆嗰幾個原則啦？
你見有人買美股都輸錢的，咁係誰的問題？係美股嘅問題？
6. Either way，最好嘅驗證方法，係真係馬騮掟鏢。認真地講，你個起始同終結日期，應該係random咁揀，然後再重覆多次，睇下個結果。其實電腦/數學做Monte Carlo Simulation都係咁上下
7. 而唔係同我講，「買股票有用？舊年輸20%啦」，「分散有用？舊年個個股市都跌啦」。因為你嘅人生，唔止得舊年，亦唔只得「迷失十年」。況且「迷失十年」亦有其他嘢升，你分段買亦早已回家，60-40嘅3年已經回家。然後叫你分散又要質疑。
我做咁多年人，好少嘢後悔 — 最後悔係冇早啲投資。你都切記
8. 我做咁多年人，冇乜嘢真係覺得做得好錯，最錯就係冇早啲投資。正係因為「冇好多個十年」，所以更加要及早開始。相信冇乜人反對投資應該早開始呢樣嘢 — 咁其實，你咪已經同意咗，時間係好東西囉。
9. 如果長時間持有唔係優勢，咁根本唔使早開始丫。如果大家都係玩幾個月，七十歲嘅阿伯同十七歲嘅後生仔，冇分別丫。但正係因為時間係優勢，所以後生仔有，阿伯冇。
人人都同意「投資要襯早」 — 咁咪即係同意咗時間係朋友囉！
10. 仲有好多關於長線同分散嘅質疑，「咁港股呢？」「咁港股呢？」「咁港股呢？」「我高位買中日本股又點計？」（所以咪要分散囉！），不妨睇多啲圖
睇呢個圖，話你知，股票係升嘅。唔係美股，係全球
11. 我諗呢一個圖，已經話畀你知，「股票長線係升嘅」。美股不用講，但即使環球，你見呢個圖都去到1969年，明顯地係一個向上嘅圖，我唔知有乜好反駁—你自己印出嚟，放上牆掟，睇下掟兩個點，贏錢多定輸錢多。何況個圖只係去到2012年，打後十年更加靚仔，我已經讓咗你最好嘅10年。
12. 又，唔該，呢個圖係log scale的（有冇留意？）！換著普通liner scale，仲誇張。但就睇唔到1970年代啲上落。但亦變相話你知，當年你以為好大嘅上落，事後睇，根本係nothing．100蚊時隻Nvidia跌10蚊你咪叫救命，但500蚊時跌10蚊係nothing
13. 不過留意嘅係，會唔會輸錢呀？梗係會啦！我唔知有乜方法可以保證唔輸錢而有可接受嘅回報，有嘅你話我知，我跟你搵食，你年年畀12%回報我得了。
會唔會輸錢？當然會，70年代咪大輸。不過之後再破頂咁解
14. 費事講咁多歷史，但你見1970年代，甚麼石油危機，會輸錢啦。冇去度，但應該都輸三四成。不過，之後咪又係再破頂！
15. 近少少嘅，去到2000年前後，見到急跌啦，科網泡沫爆煲，而且美股迷失十年嘛。咁但，有其他市場OK。咁你見，之後都係再破頂。況且，再講一次，60-40嘅，3年你就回家。你係要頂位一注瞓身嘅，當然係自己問題。
16. 然後當然到2008年，雷曼爆煲，金融海嘯，就全部一齊跌。但同樣地，都recover到。我個圖去到2012年，打後10年你自己補上去，但明顯美股之後咁強勢，呢個圖破頂再破頂
股市，就係破頂再破頂。你唔信嘅，你話長坐會輸錢，我唔知點說服你
17. 咁你都唔信「股市長遠係升」，咁我都唔知點說服你。咁你都堅持話「長坐都係會輸錢」，我都幫唔到你。事實上我買股票，水底嘅日子，相當短
18. 記住印呢個圖出嚟掟飛鏢。咁你係都要拎住「我00年買03年沽咁點算」—當然係你問題。又，所以更加要長期持有！ 同分段入市。又話我煩
睇近幾十年嘅MSCI World，順便睇埋total return 同 price return嘅分別
19. 呢個圖就近少少，都係MSCI World1970年開始，去到2018年。 不過留意兩樣。首先個scale係睇百份比回報。另外，係total index。歡迎掟飛鏢。當然係有啲位會輸錢，但，長坐呢？
20. 唔明咩係total index？就係計埋派息再投資。
股息再投資，就係要時間先見到威力
21. 仲唔明嘅？咁睇呢個圖，你見price index同total return index，積得耐，就爭好遠。之前寫文都寫過dividend reinvestment．開頭唔覺，日子耐咗就爭好遠 — 但亦係見到日子耐咗嘅威力！之前都唔記得講。Dividend reinvestment 就一定係長線先見到分別，而個分別好明顯。
22. 留意，上面嗰啲已經唔係美股圖，係MSCI World—亦即係，已經消化埋你嗰啲乜鬼日本迷失N年，歐債危機等等。亦消化埋「美股迷失十年」。咁當然係對成個指數有影響嘅，美股佔咁多，但其他市場部份可以補得返。
MSCI World咪又係美股！咁美股市值最大嘛，唔通計巴基斯坦？
23. 咁你可以拗，MSCI World咪又係主要美股 – 咁但好合理啫，美股市值最大嘛，佔最重好合理。唔通美股又佔咁多，巴基斯坦股市又佔咁多？（不過如果有機會，試下整個equal weight嘅index，我估都唔會爭好多—事實上我個monitor Excel，咪同你計晒47個股市）
24. 再講一次，MSCI World好大程度上即係美股，好合理。咁等於你睇美股指數，就梗係Magnificent 7最有代表性，咁佢地市值最大嘛！唔通我應該將 WeWork嘅比重擺到好高，然後話個指數輸錢？
不過，MSCI World冇計新興市場。不如計埋，又睇下點？
25. 好啦，可能有人會留意到，MSCI World 其實只係「已發展市場」（講「全餐」嘅舊文提過）。URTH 咪追蹤MSCI World
26. 咁包埋新興市場落去又點？係咪有人仲要拗，只係因為美股好？咁就要睇埋ACWI（係指數，亦係一隻ETF嘅代號）。ACWI 就包埋其他新興市場。
27. 睇圖，紅色係ACWI，藍色係標普指數。兩個圖其實一樣，只係個係linear，一個係log（唔使識日文都分到啦？）
28. 咁你會見到，其實溝埋新興市場落去，個圖嘅形狀都係差不多。當然其中一個原因係：ACWI都仲有過半係美股。
見到有一期係ACWI跑贏，但近十幾年就當然美股跑贏。之後？唔知
29. 另外留意樣嘢（睇log scale個圖會清楚啲見到）。有個別時期，係ACWI跑出的，八十年代尾嗰時係。仲有，2000前美股科網泡沫，美股就帶甩開 ACWI，但到爆破後，咪話新興市場跑出，咁你見ACWI再追返上嚟的。然後大約見到去到2013年，美股先再帶開。
30. 但講到尾，兩個圖嘅樣根本差唔多。咁即係，根本ACWI都係咁上下樣。咁所以，股票長升，點會唔係常態？
美股新高，泛歐新高，日本股市三十幾年高，台灣印度—而你要講港股
31. 事實上，美股差不多歷史新高，德國股市之前亦歷史新高，泛歐股市亦差不多新高。日本股市三十幾年最高，仲有你地呢期成日聽人講嘅台股，印度。
32. 咁所以，你不停同我講「港股呢？」，係同自己過唔去，定同我過唔去？港股係慣例定特例？港股呢幾年唔得就即係「唔應該長線投資」？
33. 記住，唔好同自己過唔去。Print 個圖出嚟做聖誕禮物，慢慢掟。
Comments
我大遲12月先炒美股，而家將輸係港股啲$win返有凸
BLK
bitcoin
Matthew To
2024福袋就係攞張圖掟飛鏢
